قانونك ع الرَقَبْ
والسوط شل اللسان
وامواج بحر العجب !!!
بتقولك أيه كمان ؟
ياام العتمة الطويلة
بإيدين بطش وعويلة
من كل ألف ليلة
ليلة بتزيد جِنَانْ
قانونك ع الرَقَبْ
والسوط شل اللسان
من كل ألف ليلة
ليلة بتزيد جِنَانْ
ممنوع يا روحى فيكي
أفرد حضنك مكان
أو روح الشكوى ليكي
تخرج بره الحيطان
تلحق م الحب جانب
وتطول ست الحسان
تزرع حب وفسيلة
ونلاقى الحب حان
قانونك ع الرَقَبْ
والسوط شل اللسان
من كل ألف ليلة
ليلة بتزيد جِنَانْ
الصرخة فيا تطرح
م العتمة ألف ليل
والفرحة منى تهرب
من كلمة مستحيل
ونهارى يعض فيا
مش لاقى فيه دليل
والحال واقع عليا
منزوع طيبة وأمان
وأنا حبى للركب
مولود قبل الأدان
قانونك ع الرَقَبْ
والسوط شل اللسان
من كل ألف ليلة
ليلة بتزيد جِنَانْ
- مصر -