خَفْتْ نَرْضَعْ مَنْ لَغْيَامْ زَݣْفَة
تَتْسَرَّبْ كُبَّةْ لَبْغُو ضْبَابْ
تْزَرَّݣْ ادْمُوعِي ارْشُوقْ عَفَّة
ؤُ تَفْتَحْ لِلْهَمْ بَابْ
تَسْكَرْ جْوَادِي بْلَا حَضْرَة
وَتْحَرْزَزْ عَرْݣُوبْ الْعَذَابْ
يْسِيلْ اسْخَامُو حَسْرَة
وَيْحَرَّزْ اضْرَعْ لَفْطَامْ
يَحْسَكْ احْبَلْ السُّرَة
ويشْعَلْ دْوَاخْلِي طُرْݣَانْ
تَنْغُـل
تَهْـبَلْ
تَجْفَلْ
تْزِيدْ اهْيَاجْ ݣَلْبْ مَضْيُومْ
خَفْتْ اسْوَاكْنِي تَصْهَلْ
تْخَلِّ لْخَاطَرْ ابْحَرْ
تَطَّاطِي
تْوَاطِي
تْفَكْ اسْرَاحْ ذَاكْ اجْغَـلْ
لِّ فِ شُونْ ارْمَلْ احْتَلْ
يْحَرَّكْ مُوجُو سَرْبَة
يَدْرُجْ بْيَاضُو بِينْ عْݣُوبْ ؤُهَرْبَة
يَتْسَلْ
يَنْصَلْ
يَخْنَسْ خَنْسَة
تَرْشَى شْوَاهَدْ الصُّحْبَة
ؤُيْوَلِّ سْدَى ذيك الݣصة
ذَرْفَة
لَفَّة
نَفَّة
سَكْنَاتْ ادْوَاخْلِي بِلَوْفَا
هْوَاهْ امْزَمَّمْ مَقْسُومْ
- المغرب -